அன்னைஇல்லத்தின் அரசனடா

அன்னைஇல்லத்தின் அரசனடா

அவருக்கு இணையில்லை எவருமடா

ராஜாமணி ஈன்ற சிங்கமடா

சின்னையா போலே தங்கமடா

நடிப்பில் அவனே வேந்தனடா

ரசிகனுக்கு அவனே திலகமடா!

(அன்னை இல்லத்தின்..)

உலகம் போற்றிய கலைஞனடா

உயர்பண்பில் அவன்தான்மனிதனடா 

கலைகளும் அவனிடம் தஞ்சமடா

கற்காத அவனோரு மேதையடா 

எதிரியும் மயங்கும் நடிகனடா

எல்லைகள் இல்லா சிகரமடா

(அன்னை இல்லத்தின்..)

நடிப்பே அவனுக்கு வேதமடா

நடிகருக்கெல்லாம் அவனே பாடமடா

தேவர்க்கெல்லாம் பொருந்திய உருவமடா

தேகமெல்லாம் நடிப்பை கொண்டவனடா

மண்ணில் உதித்த அதிசயமடா

மகேசனை காட்டிய முகமடா

(அன்னை இல்லத்தின்..)

எவனடா இவரைப் போலே எவனடா 

என்றுமே இவரே உச்சமடா

தமிழனுக்கு இவரால் பெருமையடா 

தரணியெல்லாம் வியந்த மனிதனடா

இல்லை இவருக்கோர் இணையடா 

இவர் பெயரே ஆண்ட மன்னன் சிவாஜியடா..

(அன்னை இல்லத்தின் ..)

செந்தில்வேல் சிவராஜ்