நீல வானம்

சிவாஜி தியேட்டரான சாந்தி திரையரங்க ஸ்கிரீனை காண்பித்து அந்த ஸ்கிரீனில் டைட்டில் ஓடுவதாக காட்டப்பட்ட திரைப்படம் நீலவானம்

அந்த டைட்டில் வரும்முன்பு சிவாஜியின் புதிய பறவை பாடலான சிட்டுக்குருவி முத்தம் கொடுத்து பாடல் ஒலிக்கும்.

சாந்தி திரையரங்கில் டிக்கட் கிழிக்கும் தியேட்டர் ஊழியராக

சிவாஜி நடித்திருப்பார்.

நீச்சல் குளத்திலேயே முழுப்பாடலும் எடுக்கப்பட்ட நடிகர்திலகத்தின் திரைப்படமும் நீலவானம் ஆகும்.இது படத்தின் முதல் பாடல்.

சாந்தி தியேட்டருக்கு தேவிகாவுடன் படம பார்க்க வருவார் சிவாஜி. அப்போது தியேட்டரில் ஒலித்து கொண்டிருக்கும் பாடல் பார்த்த ஞாபகம் இல்லையோ   ...

மிக வித்தியாசமான நடன அசைவுகளுடன் அழகாக எடுத்த பாடல் ஓ லிட்டில் பிளவர் ..

1965 ல் வெளிவந்த சிவாஜியின்  எல்லா( 5 )படங்களிலும் தேவிகா நடித்திருப்பார். பழனி அன்புக்கரங்கள் சாந்தி...திருவிளையாடல் ..

நீலவானம் தேவிகாவுக்கு மிக நல்ல பெயரை வாங்கிக் கொடுத்தது. நீலவானம் உச்ச நிலையில் கடைசி ஜோடிப்படமானது ஆச்சர்யமாக இருக்கிறது. நீண்ட வருடம் கழித்து சத்யம் படத்தில் ஜோடியாக நடித்திருப்பார்.

ராஜஸ்ரீயை லவ் பண்ணும் போது, ஒரு ஹேர் ஸ்டைலும், தேவிகாவை திருமணம் செய்த பின் வேறொரு ஹேர் ஸ்டைலும், தேவிகா இறந்த பின் பழைய ஹேர் ஸ்டைலுமாக! கலக்கி இருப்பார்  நடிகர் திலகம் .

சிவாஜி நடிப்பதில் இமேஜ் பார்க்காதவர் .தன் உருவத்தை வைத்து எழுதப்பட்ட வரியையும்  இமேஜ் பார்க்காமல் தான் நடித்திருப்பார் இந்த பட பாடலில்.உதாரணம் :உனக்கும் எனக்கும் உருவ பொருத்தமே என்று ஓ லிட்டில் பிளவர் பாடல் வரி வரும்.

செந்தில்வேல் சிவராஜ்