நடிகர் திலகம் சிவாஜி கணேசன் அவர்கள் நடித்த 'என் தம்பி' திரைப்படத்துல இடம் பெற்ற, அதிசயிக்க வைத்த சில காதல் பாடல்கள் பத்தியும், அந்தப் பாடல்கள் உருவான விதம் பத்தியும் தான் பார்க்கலாம்.
1. அடியேய் நேற்று பிறந்தவள் நீயே
முதல்ல இந்தத் திரைப்படத்துல வர்ற "அடியேய் நேற்று பிறந்தவள் நீயே" பாடலோட படப்பிடிப்பு பத்தி பார்ப்போம். இந்தப் பாடல் மைசூர் பிருந்தாவனம் மற்றும் அதன் பக்கத்துல இருக்குற காவேரி ஆற்றங்கரையில படமாக்கப்பட்டது.
இந்த பாட்டுல ஒரு விசேஷம் என்னன்னா, மைசூர் கார்டன்ல இருக்குற ஒரு செயற்கை நீர் ஊற்றைக் கடக்குறதுக்காக ஒரு பாலம் இருக்கும். அது ஒரு கப்பல் வடிவத்துல வடிவமைக்கப்பட்டிருக்கும். அதுல சிவாஜி கணேசனும் சரோஜாதேவியும் காதல் ரசம் பொழியற அந்த சீன்கள் ரசிகர்களை அப்படியே பிரமிக்க வச்சிருக்கும்.
அதே பாடலோட ரெண்டாவது சரணத்துல, காவேரி ஆற்றங்கரையில நிறுத்தி வைக்கப்பட்டிருந்த ஒரு டூர் ஷிப் (சுற்றுலா கப்பல்) மேல பெட் சீன் மாதிரியான ஒரு ரொமான்ஸ் காட்சி படமாக்கப்பட்டது. அந்த சீன்ல சிவாஜி கணேசன் தன்னோட முகப் பொலிவோட, "வாடைக் காற்றுல வெளிய நின்றால் போர்வை போல தழுவிக்கொள்ளும்" அப்படின்னு பாடுவாரு. அப்போ நடிகர் திலகத்தோட முகம் கேமராவுல க்ளோசப்-ல காட்டப்படும்போது அவரோட அழகு அப்படித் தெரியும்.
அதை பாடிக்கிட்டே சரோஜாதேவியோட வயித்துல சிவாஜி மெதுவா கைய வைப்பாரு. அப்போ அபினய சரஸ்வதி சரோஜாதேவி, வெட்கத்துல தன் முகத்தை புடவையால மூடிக்கிட்டு, ஒரு வகையான சபலத்தையும் கூச்சத்தையும் தாங்க முடியாம தள்ளாடுவாங்க. அப்போ அவங்க புடவையை லேசா விலக்கி சிவாஜி அவங்களை அள்ளி அணைச்சுக்கிறது விரசமில்லாத காதல் சரச காட்சி.
2. அய்யய்யா மெல்லத் தட்டு
அடுத்ததா, படத்தோட ரெண்டாவது காதல் பாடலான "அய்யய்யா மெல்லத் தட்டு". இந்தப் பாடலை ஜெய்ப்பூர்ல சிந்து நதி பாயுற இடத்துல இருக்குற ஒரு பெரிய பூங்காவுல படமாக்குனாங்க.
படத்தோட கதைப்படி, இறந்து போயிட்டு திரும்ப வந்திருக்கிறது தன்னோட காதலன் கண்ணனா? இல்ல நாடக நடிகர் சின்னையாவா? அப்படின்னு ராதா (சரோஜாதேவி) கண்டுபிடிக்க முயற்சி பண்ணுவாங்க. அந்தப் பூங்காவுல பேசிட்டே இருக்கும்போது, சரோஜாதேவி கண்ணனோட கண்ணத்துல விளையாட்டா தட்டுவாங்க. அது கண்ணனா இருந்தா அடிக்காம ராதாவை முத்தமிட்டு அணைச்சுக்குவான்.
ஆனா, தான் கண்ணன்னு அங்க தெரிஞ்சிட்டா, வில்லனான தம்பி விஸ்வம் பாலாஜிக்கு விஷயம் தெரிஞ்சுடும். அதனால தன்னைத் தற்காத்துக்க, தான் ஒரு நாடக நடிகன் சின்னையான்னு நிரூபிக்கிறதுக்காக, சிவாஜி அவசரப்பட்டு சரோஜாதேவியோட கண்ணத்துல விளையாட்டா அடிச்சு தடவி விடுவாரு. அந்த அடியோட வலி வெளிய தெரியாம, ஒரு சபலத்தையும் இன்பத்தையும் தர்ற மாதிரி பாட்டு ஆரம்பிக்கும். சின்னையா வேடத்துல இருக்குற சிவாஜி, சரோஜாதேவியை ரொம்பவே சிரமப்படுத்தி இன்பமான நிலையில விளையாட்டா பாடுற பாட்டு தான் இது.
3. தட்டட்டும் கை தழுவட்டும்
அடுத்ததா கிளைமாக்ஸ் பாட்டு. இந்தப் படத்தோட பேரு முதல்ல கே.எஸ். கோபாலகிருஷ்ணன் நடத்தி வந்த நாடகத்தோட பேரான 'தம்பி'-ன்னு தான் இருந்துச்சு. அப்புறம் தான் அதை 'என் தம்பி'-ன்னு மாத்துனாங்க.
இந்தப் பாட்டை பத்தி ஒரு முக்கியமான விஷயம் என்னன்னா, கிளைமாக்ஸ் பாட்டான "தட்டட்டும் கை தழுவட்டும்" பாடலை "நான்தான் படமாக்குவேன்" அப்படின்னு கே.எஸ். கோபாலகிருஷ்ணன் அடம்பிடிச்சு வாங்குனாரு. அதுல சிவாஜி கணேசனை ஒரு சாட்டை சேவகனாவும், சரோஜாதேவியை சாட்டையால அடிவாங்குற ஒரு அழுகுப் பெண்மையாவும் காட்டியிருப்பாங்க. இந்த மாதிரியான ஒரு கிளைமாக்ஸ் சிச்சுவேஷன் சாங்க்கை எல்லாம் இப்போ இருக்குற எந்தப் படக்குழுவும் ஒத்துக்க மாட்டாங்க.
ஆனா அப்போ கே.எஸ். கோபாலகிருஷ்ணன் செண்டிமெண்ட் கதையால தமிழ் சினிமாவையே கட்டிப் போட்டவர்ங்கிறதால, தயாரிப்பாளர் பாலாஜியும் இயக்குனர் திருலோகச்சந்தரும் அவருக்கு விட்டுக்கொடுத்தாங்க. அந்தப் பாட்டோட செட் ரொம்பப் பிரம்மாண்டமா இருந்துச்சு. கே.எஸ்.ஜி அவர்கள் அந்த அசைவுகளை எல்லாம் சொல்லிக் குடுக்க, ஒளிப்பதிவாளர் தம்பு அதை அழகாப் படமாக்குனாரு.
இங்க ஒரு அதிர்ச்சியான தகவல்: அந்த நேரத்துல சரோஜாதேவிக்கும் கே.எஸ். கோபாலகிருஷ்ணனுக்கும் இடையில சரியான பேச்சுவார்த்தை கிடையாது.
கே.எஸ்.ஜி.
ஏ.சி. திருலோகச்சந்தர், கே.எஸ். கோபாலகிருஷ்ணன் மற்றும் கதாசிரியர் ஜாவர் சீதாராமன்-னு மூணு பெரிய ஜாம்பவான்கள் இந்தப் படத்துலயும் பாடல்லயும் பங்கு வகிச்சிருக்காங்கன்றது இன்னைக்கு யாருக்கும் தெரியாத ஒரு பெரிய ரகசியம்!
கருத்துகள்
கருத்துரையிடுக