"வணக்கம் நேயர்களே! தமிழ் சினிமாவோட பொற்காலத்தை ஆண்ட 'நடிகர் திலகம்' சிவாஜி கணேசன் அவர்கள் எத்தனையோ பெரிய பெரிய பிரம்மாண்டமான தயாரிப்பு நிறுவனங்கள்ல நடிச்சிருக்காரு. ஆனா, அவரோட ஜோடியா, இல்லன்னா அவரோட சமகாலத்துல நடிச்ச முன்னணி நடிகைகளே சொந்தமா புரொடக்ஷன் கம்பெனி ஆரம்பிச்சு, அவரை ஹீரோவா வச்சு படம் தயாரிச்சதுங்குறது ஒரு வரலாற்றுச் சிறப்புமிக்க விஷயம்.
இங்க நாம ரொம்ப முக்கியமா கவனிக்க வேண்டிய விஷயம் என்னன்னா, இவ்வளவு முன்னணி நடிகைகள் தங்களோட சொந்த காசைப் போட்டு, வேற எந்த ஒரு ஹீரோவையும் இந்த அளவுக்கு முன்னிறுத்தி தங்களது சொந்தப் படங்களைத் தயாரிச்சதே கிடையாது! இது ஒண்ணே போதும்—நடிகர் திலகத்தோட அசாத்திய நடிப்புத் திறமைக்கும், அவர் மேல அந்த காலத்து பெண் ஆளுமைகள் வச்சிருந்த மாபெரும் மதிப்புக்கும், அவரோட படங்கள் தயாரிப்பாளர்களுக்கு கொடுத்த அசைக்க முடியாத கலெக்ஷன் வெற்றிக்கும் ஒரு மிகப்பெரிய சான்று. வேற எந்த ஒரு இந்திய நடிகருக்கும் கிடைக்காத தனிப்பெரும் பெருமை இதுன்னு சொன்னா அதுல சந்தேகமே இல்லை!
இன்னைக்கு இந்த பதிவுலே சிவாஜி கணேசனை மட்டுமே நம்பி படம் தயாரிச்ச அந்த சாதனை நடிகைகள் யார், அவங்களோட புரொடக்ஷன் கம்பெனி பேர் என்ன, அவங்க தயாரிச்ச படங்களோட ஸ்பெஷாலிட்டி என்னென்னன்னு ரொம்ப டீடைலா பார்க்கப்போறோம். வாங்க வீடியோக்குள்ள போலாம்!"
நடிகைகள் மற்றும் தயாரித்த திரைப்படங்களின் விவரங்கள்:
1. பி. பானுமதி ராமகிருஷ்ணா
தயாரிப்பு நிறுவனம்: பரணி பிக்சர்ஸ்
தயாரித்த திரைப்படம்: மணமகன் தேவை
தமிழ், தெலுங்கு சினிமாவல மல்டி-டேலண்டட் சூப்பர்ஸ்டார் நடிகையா இருந்த பி. பானுமதி ராமகிருஷ்ணா அவர்கள், அவங்களோட 'பரணி பிக்சர்ஸ்' மூலமா நடிகர் திலகத்தை வச்சு 'மணமகன் தேவை' படத்தைத் தயாரிச்சாங்க.
படத்தின் சிறப்பம்சங்கள்: இந்தப் படம் நடிகர் திலகத்தோட சூப்பரான காமெடி நடிப்பை வெளிய கொண்டு வந்த ஒரு காமெடி என்டர்டெய்னர் படம். பானுமதி சொந்தக் குரல்ல பாடுன பாட்டுகள் இடம் பெற்ற படம்.
2. ஜி. வரலக்ஷ்மி
தயாரிப்பு நிறுவனம்: சந்திரசேகரா பிலிம்ஸ்
தயாரித்த திரைப்படம்: ஹரிச்சந்திரா
தன்னோட கம்பீரமான நடிப்பால முத்திரை பதிச்ச நடிகை ஜி. வரலக்ஷ்மி அவர்கள், 'சந்திரசேகரா பிலிம்ஸ்' பேனர்ல சிவாஜி கணேசன் அவர்களை மெயின் ஹீரோவா வச்சு 'ஹரிச்சந்திரா' படத்தைத் தயாரிச்சு கொடுத்தாங்க.
படத்தின் சிறப்பம்சங்கள்: உண்மைதான் எப்பவும் ஜெயிக்கும்ங்குற கதையில, ஹரிச்சந்திரனா சிவாஜி கணேசன் அவர்கள் வாழ்ந்தே காட்டியிருப்பாரு. எமோஷனலான வசனங்களும், நடிகர் திலகத்தோட அந்த கணீரென்ற குரலும் இந்த படத்தை எப்பவும் அழியாத ஒரு காவியமா மாத்துச்சு.
3.அஞ்சலிதேவி
தயாரிப்பு நிறுவனம்: அஞ்சலி பிக்சர்ஸ்
தயாரித்த திரைப்படங்கள்: பரதேசி (தெலுங்கு), பூங்கோதை, பக்ததுகாராம் (தெலுங்கு)
தமிழ் மற்றும் தெலுங்கு திரையுலகில் முன்னணித் தாரையாக ஜொலித்த நடிகை அஞ்சலிதேவி அவர்கள், தனது 'அஞ்சலி பிக்சர்ஸ்' நிறுவனம் மூலமாக நடிகர் திலகத்தை வைத்து மூன்று முக்கியத் திரைப்படங்களைத் தயாரித்துள்ளார்.
படங்களின் சிறப்பம்சங்கள்: 'பரதேசி' மற்றும் அதன் தமிழ் வடிவமான 'பூங்கோதை' இரண்டுமே சிவாஜி கணேசன் அவர்களின் ஆரம்பகாலத் திரையுலக வாழ்க்கையில் நடிப்புத் திறமையை நிரூபித்த மிக முக்கியமான காதல் காவியங்களாகும். மேலும், 'பக்ததுகாராம்' திரைப்படத்தில் நடிகர் திலகம் ஏற்றிருந்த வீர சிவாஜி கதாபாத்திரம் ரசிகர்களிடையே அவருக்குப் பெரும் பாராட்டைப் பெற்றுத் தந்தது.
4.சாந்தகுமாரி
தயாரிப்பு நிறுவனம்: ராகினி பிலிம்ஸ்
தயாரித்த திரைப்படம்: பெண்ணின் பெருமை
பழம்பெரும் குணச்சித்திர நடிகையான சாந்தகுமாரி அவர்கள், தனது 'ராகினி பிலிம்ஸ்' தயாரிப்பு நிறுவனத்தின் பேனரில் சிவாஜி கணேசன் அவர்களை முதன்மைக் கதாபாத்திரமாகக் கொண்டு 'பெண்ணின் பெருமை' என்ற உன்னதமான குடும்பத் திரைப்படத்தைத் தயாரித்தார்.
படத்தின் சிறப்பம்சங்கள்: இந்தத் திரைப்படத்தில் நடிகர் திலகம் சிவாஜி கணேசன் ஜெமினி கணேசன், சாவித்திரி எனப் பல நட்சத்திரங்கள் நடித்த இப்படம், உணர்ச்சிப்பூர்வமான காட்சிகளுக்காக இன்றளவும் பேசப்படும் ஒரு கிளாசிக் படமாகும்.
5.U.R. ஜீவரத்தினம்
தயாரிப்பு நிறுவனம்: மெர்குரி பிலிம்ஸ்
தயாரித்த திரைப்படம்: வாழ்விலே ஒரு நாள்
மிகச்சிறந்த பாடகியாகவும் நடிகையாகவும் முத்திரை பதித்த யு.ஆர். ஜீவரத்தினம் அவர்கள், தனது 'மெர்குரி பிலிம்ஸ்' நிறுவனத்தின் வாயிலாக நடிகர் திலகம் சிவாஜி கணேசன் நடித்த 'வாழ்விலே ஒரு நாள்' என்ற திரைப்படத்தைத் தயாரித்து வழங்கினார்.
6.கே.ஆர். விஜயா
தயாரிப்பு நிறுவனம்: அசோகா பிரதர்ஸ் மற்றும் வள்ளிநாயகி பிலிம்ஸ்
தயாரித்த திரைப்படம்: நான் வாழவைப்பேன்
'புன்னகை அரசி' கே.ஆர். விஜயா வேலாயுதம் அவர்கள், அசோகா பிரதர்ஸ் மற்றும் வள்ளிநாயகி பிலிம்ஸ் மூலமா நடிகர் திலகம் நடிச்ச 'நான் வாழவைப்பேன்' அப்படிங்குற பெரிய ஹிட் படத்தை தயாரிச்சாங்க.
படத்தின் சிறப்பம்சங்கள்: இந்த படம் ஹிந்தில வந்த 'மஜ்பூர்' படத்தோட ரீமேக். இதுல நம்ம நடிகர் திலகம் சிவாஜி கணேசனோட சேர்ந்து ரஜினிகாந்த் அவர்களும் ஒரு முக்கியமான ரோல்ல நடிச்சது இந்த படத்தோட செம ஸ்பெஷல்.
7. புஷ்பலதா ராஜன்
தயாரிப்பு நிறுவனம்: ராஜா மகாலக்ஷ்மி ஆர்ட்ஸ்
தயாரித்த திரைப்படங்கள்: லாரி டிரைவர் ராஜாகண்ணு, ஊரும் உறவும்.
'ஊரும் உறவும்' படம் கிராமத்து பின்னணியில பாசப் போராட்டத்தை வச்சு எடுக்கப்பட்ட தரமான படம்.. 'லாரி டிரைவர் ராஜாகண்ணு ஒரு கமர்ஷியல் வணிக படமா எடுக்கப்பட்டது.
8. மஞ்சுளா விஜயகுமார்
தயாரிப்பு நிறுவனம்: வனிதா பிலிம் புரொடக்ஷன்ஸ்
தயாரித்த திரைப்படம்: நெஞ்சங்கள்
70கள்லேல முன்னணி நடிகையா இருந்த மஞ்சுளா விஜயகுமார் அவர்கள், தன்னோட சொந்த கம்பெனியான 'வனிதா பிலிம் புரொடக்ஷன்ஸ்' மூலமா நடிகர் திலகம் சிவாஜியை வச்சு 'நெஞ்சங்கள்' படத்தை தயாரிச்சாங்க.
படத்தின் சிறப்பம்சங்கள்: மேஜர் சுந்தரராஜன் டைரக்ஷன்ல உருவான படம்,
நடிகை மீனா குழந்தை நட்சத்திரமாக அறிமுகமான படம். நடிகர் தியாகராஜன் வில்லனா நடிச்ச படம்.
9.. ஸ்ரீப்ரியா
தயாரிப்பு நிறுவனம்: ஸ்ரீ சாமுண்டேஸ்வரி
தயாரித்த திரைப்படம்: நட்சத்திரம்
எத்தனையோ படங்கள்ல ஹீரோயினா நடிச்ச நடிகை ஸ்ரீப்ரியா , 'ஸ்ரீ சாமுண்டேஸ்வரி' பேர்ல புரொடக்ஷன் கம்பெனி ஆரம்பிச்சு, அதுல சிவாஜி கணேசன் நடிச்ச 'நட்சத்திரம்' படத்தை தயாரிச்சு ரிலீஸ் பண்ணாங்க.
படத்தின் சிறப்பம்சங்கள்: நிறைய முன்னணி நடிகர்கள் கெஸ்ட் ரோல்ல நடிச்ச இந்த படத்துல, நடிகர் திலகமும் ஒரு கௌரவ வேஷம் செஞ்சிருந்தார்.
10.விஜயநிர்மலா &கிருஷ்ணா
தயாரிப்பு நிறுவனம்: பத்மாலயா பிக்சர்ஸ்
தயாரித்த திரைப்படங்கள்: விஸ்வரூபம், தியாகி, விஸ்வநாத நாயக்கடு (தெலுங்கு)
கின்னஸ் ரெக்கார்ட் பண்ண பெண் டைரக்டரும் நடிகையுமான விஜயநிர்மலா அப்புறம் நடிகர் கிருஷ்ணா ஜோடி, அவங்களோட ஃபேமஸான 'பத்மாலயா பிக்சர்ஸ்' மூலமா சிவாஜி கணேசன் நடிப்புல 'விஸ்வரூபம்', 'தியாகி' அப்புறம் தெலுங்குல 'விஸ்வநாத நாயக்கடு' படங்களைத் தயாரிச்சாங்க.
படங்களின் சிறப்பம்சங்கள்: 'விஸ்வநாத நாயக்கடு'ங்குற பிரம்மாண்ட தெலுங்கு வரலாற்றுப் படத்துல சிவாஜி கணேசன் அவர்கள் செம கம்பீரமா நடிச்சு ஆந்திரா ரசிகர்களை மிரள வச்சாரு. 'தியாகி' மற்றும் 'விஸ்வரூபம்' படங்கள் ஆக்ஷன் படங்களா அமைஞ்சது.
11.. சாவித்திரி கணேஷ்
தயாரிப்பு நிறுவனம்: ஸ்ரீ சாவித்திரி புரொடக்ஷன்ஸ்
தயாரித்த திரைப்படம்: பிராப்தம்
நடிகையர் திலகம்'னு எல்லாராலயும் கொண்டாடப்படுற நடிகை சாவித்திரி அவர்கள், 'ஸ்ரீ சாவித்திரி புரொடக்ஷன்ஸ்' மூலமா தயாரிச்சு, டைரக்ட் பண்ணி, சிவாஜியோட சேர்ந்து நடிச்ச உருக்கமான காவியம் தான் 'பிராப்தம்'.
படத்தின் சிறப்பம்சங்கள்: 'மூக மனசுலு'ங்குற தெலுங்கு படத்தோட ரீமேக்கான இந்த படம், மறுபிறவியை மையமா வச்ச ஒரு வெயிட்டான லவ் ஸ்டோரி. எம். எஸ். விஸ்வநாதன் மியூசிக்ல பாட்டுகள் எல்லாம் நல்லா அமைஞ்சது.
12.ஈ.வி. சரோஜா & சகோதரர் ஈ.வி. ராஜன் பட நிறுவனம்: E.V.R. பிக்சர்ஸ்
தயாரித்த திரைப்படம்: தங்கச்சுரங்கம்
தன்னோட நடிப்பால ரசிகர்களைக் கவர்ந்த நடிகை ஈ.வி. சரோஜா அப்புறம் அவங்களோட பிரதர் ஈ.வி. ராஜன் ரெண்டு பேரும் சேர்ந்து தங்களோட 'E.V.R. பிக்சர்ஸ்' பேனர்ல சிவாஜி கணேசன் நடிப்புல செம விறுவிறுப்பான 'தங்கச்சுரங்கம்' படத்தைத் தயாரிச்சாங்க.
படத்தின் சிறப்பம்சங்கள்: இது நடிகர் திலகம் சிவாஜி கணேசன் ஒரு ஸ்பை த்ரில்லர் கதையில துப்பறியும் அதிகாரியா நடிச்ச ஸ்டைலிஷான படம். டி. ஆர். பாப்பா மியூசிக்ல பாட்டுகளும், ஃபைட் சீன்களும் தியேட்டரை அதிர வச்சது.
13.. டி.ஆர். ராஜகுமாரி & சகோதரர் டி.ஆர். ராமண்ணா
தயாரிப்பு நிறுவனம்: R.R. பிக்சர்ஸ்
தயாரித்த திரைப்படங்கள்: கூண்டுக்கிளி, காத்தவராயன்
' டி.ஆர். ராஜகுமாரி அப்புறம் அவங்களோட பிரதரான ஃபேமஸ் டைரக்டர் டி.ஆர். ராமண்ணாவோட 'R.R. பிக்சர்ஸ்' நிறுவனம் மூலமா சிவாஜி கணேசன் நடிப்புல 'கூண்டுக்கிளி' மற்றும் 'காத்தவராயன்' ஆகிய படங்கள் தயாரிக்கப்பட்டுச்சு.
படங்களின் சிறப்பம்சங்கள்: தமிழ் சினிமா ஹிஸ்ட்ரிலயே எம்.ஜி.ஆர் அவர்களும், நடிகர் திலகம் சிவாஜி கணேசன் அவர்களும் ஒண்ணா சேர்ந்து நடிச்ச ஒரேயொரு படம் 'கூண்டுக்கிளி' தான். அப்புறம் 'காத்தவராயன்' படம் அதோட புராணக் கதைக்காகவும், சூப்பரான பாட்டுகளுக்காகவும் இன்னைக்கும் பேசப்படுது.
செந்தில்வேல் சிவராஜ்
கருத்துகள்
கருத்துரையிடுக